میسی ئەرا هەشتەمین جار جویر خاسترین بازیکەر جەهان هەڵوژیا

لە ئاهەنگ خەڵاتەيل فرانس فووتبۆڵ کە لە وڵات فەرەنسا و شار پاریس وەڕیوەچی تایوەتبوی وە دیاریکردن  خاسترینەیل جەهان ووەتایوەت خاسترین بازیکەرەیل جەهان لەبان ئاست پیاو و ژن.

لەبان ئاست پیاوەیل لیۆنێل میسی ئەرجەنتینی و بازیکەر یانەی ئینتەر میامی ئەرا  هەشتەمین جار توەنست بوودە خاسترین بازیکەر جەهان  دویای ئەوەگ سەرکەفتی بوی وەبان   ئیرلینگ هالاند و کیلیان مباپێ و کیڤین دی برۆین.

ئاسارە ئەرجەنتینیەگە یە هەشتەمین جارە تووپ تەڵایی وەدەسبارێد  کە لە ساڵەیل 2009 و 2010 و 2011 و 2012 و 2015 و 2019 و 2021 و 2023 ئی خەڵاتە وەدەس هاوردیە.