مردن نویسەر یابانی کینزابورو ئوی ک خەڵات نۆبڵ وەدەس هاوردیە
2023-03-13T12:50:42+00:00
شەفەق نیوز/ میدیایل راگەیانن یابانی، ئمڕوو دووشەممە، پرسەی نویسەر ناودیار کینزابورو ئوی کردن، ک لە تەمەن ٨ه ساڵە دویاکووچی کرد.
ئوی یەکیگێە لە وەناوباگترین نیوسەرەیل ئەکلاسیکی لە ئەدەب نوو، و کارەیلی ئەرا دەیان زوان ئەڵگەردان کریانە، و لە ناودارترین کتاوەیلی کتاو چیرۆک «پەروەردەی ئاژەڵ» ک لە ساڵ ١٩٥٩ خەڵات ئەکوتاجاوای ئەدەبی یابانی لەبانی وەرگرد، و کتاو «ئەزموون کەسایەتی» و روومانەیل «ئاو باوەش کردە گیانم», و «بازیەیل سەردەمیانەیل».
ئەو نویسەرە ک زنجیرەی وتارەیل «کاغەزەیل هیرۆشیما» بڵاو کرد ک وەدژ چەک ئەتۆمی وسیاگە، و خەباتکارە ئەرا ماف مرۆڤ.
لە ساڵ ١٩٩٤ خەڵات نۆبڵ وەپی دریا، لەبان پیشکەشکردن «جەهانیگ خەیاڵی لەناوی راسی و ئەفسانە وەیەکەو وەشیوەیگ بیزارکەر لە نەهامەتیەیل مرۆی ئمڕوو پیشکەش کەێد» تا بوودە دویەم نویسەر یابانی ئی خەڵاتە وەرگرێد، لەدویای یاسوناری کواباتا.
