ئەلزهایمەر بیماریيگە وەشەو و رووژیگ نیەتێدە دی

 پزیشکەگە ئەرا سایت Gazeta.Ru  ئویشێد: وەرجە گشت چشتیگ یادەوەری رویداوەیل ئیسەیین زەرەرمەن بوون، کەسەگە سەرەتا ئەو راسیەیلە لەهویریەو چن کە لە روی سووزدارییەو ئەرای گرنگ نین، بڕیگ هویردەکاری، ناو نوو، ناوەڕۆک ئەو کتاوەیلە کە وەی دویاییە خوەنستیە و هتد، و ئەراوە ئی ئاڵشتکاریە کاریگەری فرەیگ لەبان هویرمانی نییە." "چالاکیی ڕووژانە، یادەوەری ئەرا رویداوە دوریەیل هاتێ تا ماوەیگ وەختانە جویر خوەی بمینێد، بەڵام وەگەرد پیشکەفتن بیماریەگە تەنانەت ئەو رویداوەیلە لەهویرەو بەێد کە ئەرای گرنگترینن."

وە قسەی دکتۆر گالینا،  پەککەفتن لە ئەرکەیل ترەک پرۆسێسکردن زانیارییەیلیش تیەێدە دی - قسەکردن، هویرکردن دیاریکردن شوین و وەخت، چالاکیی ئامانجدار، ژمێریاری و نویسین.

 ئوشێدیش: "کەموکوڵی خونجیان زوانی لە قسەکردن دەرکەفێد کە ئایەم وەسەختی ئویشێدەی، و پەیاکردن واژەی دروس، ئەراوە جیگرەوە وەکار تیەرێد، ئەرا نموونە وشەی "قەڵەم" لە هویری نییە، ئەراوە ئویشێد "یە"، “ ئەوەگ وەپی نویسێد”.

ئەو پسپۆڕە باس ئەوە کەێد کە لە مەوقەی شیکردن پێگەی شوین چشتەیل سەختەو بوود، ئەراوە ئایەم نیەتوەنێد وەختەگە بزانێد تەنانەت لە ری ساعەت ئاسایی، یا خوەنستن نەخشەی گرافیکی و هتد.

 ئویشێدیش: یەکیگ ترەک لە نیشانە تایبەتمەندیەیل، سەختی دیاریکردن شوین و ئاراستەس لە ناوچەیگ نامۆ ئەرا کەسەگە، ئەراوە خوەی لە سەردانیکردن شوین نوو دویرەو کەێد، وەگەرد بیشکەفتن ببماریەگە، شایەت ری ماڵیش گوما بکەێد،  ئەراوە لەی ئاستە بیمارەگە وە تەواوی پشتگیرکردن خیزانەگە خوازێد.

 سەرچەوە: Gazeta.Ru - RT