چەقوویگ هن ئایەم نیاندەرتاڵ لە رووسیا پەیا کریا کە تەمەنی نزیکەی ٨٠ هەزار ساڵە

ئاندرێ پۆلیاکۆڤ، وەڕێوەبەر پەیمانگاکە وتیە: ئەو چەقووە کە زانایل لە مەوقەی چاڵکەنین وەردەوامیان کەنار چەم دێسنا لە پارێزگای برایانسک پەیا کردنە لە مادەیگ دروس کريایە کە لە ناوچەگە وەردەس نییە، یەیش دەسمیەتیدەرە ئەرا زانستن ڕادەی جویلە و کووچ نیاندەرتاڵەیل و چوینیەتی پەیوەندی کۆمەڵگایان وەگەرد یەکتر لە ناوچە جیاجیایل ئەوروپای ئیسە.

وتیش: ئیمە یەک چەقوو پەیا کردبمنە کە لە مادەیگ جیاواز دروس کریایە، لە سلیکۆن ناوخوەیی نییە، لێکۆڵینەوە کەیمن و تەقەلا دەیمن بزانیمن لە کوو هاوریاس، یەیش وەڕاسی بەڵگەیگ گرنگە و دەسمیەتیدەرە ئەرا زانستن رادەی توانای ئایەم نیاندەرتاڵ لە جویلەکردن و چ مەودایگ بڕینە بردنە تا پەیوەندی وەگەرد گروپە جیاوازەیلیان بکەن کە ئەرا نموونە، ئەوانەگ لە رووسیا و ئەڵمانیا بوینە.