قورتارکردن مناڵیگ لە هیندستان چشت ئەڵاجەوییگ قویت دایە
2022-09-24T10:46:22+00:00
شەفەق نیوز/ لە شار ناشیک لە ویلایەت ماهداشترای هیندستان، لەی دویاییە، نەشتەرگەری ئەرا دراوردن نویخانگریگ لەناو قوڕگ مناڵیگ ئەنجام دریا.
ئەو مناڵە لە تەمەن ٨ ساڵان، نویخانگریگ قویت دا، ک هیشت بکەفێدە ژیر نەشتەرگەری.
وەگورەی رووژنامەی دەیلی مەیل بەریتانی، لە تیشک سینی ئەرا ئەو زاڕووە، نویخانگریگ وە درویژی ٥ سانتیمەتر لەناو قوڕگی نشان دریا.
تیمیگ لە پزشکەیل لە کۆلێژ پزشکی پاوار ئەو نەشتەرگەریە وەماوەی نزیکەی یەک ساعەت تەواو کرد.
رووژنامەگە لە زوان تیمە پزشکیەگە وت: مناڵەگە لەو نویخانگرە قورتار بوی، و دویای ئەو نەشتەرگەریە تەندرویی ئارامە.
