شاکیرا مرافەگەی وەگەرد پیکێە کەێد گورانی و پویل

وە تەنیا ٢٤ ساعەت لە بڵاوکردنی لەبان یوتیوب، گورانیە نووەگەی شاکیرا ٦٦ مەلیۆن تەماشاکردن هاورد، و تا مەوقەی نویسین خەوەرەگە رەسیە زیاتر لە ١٣٢ مەلیۆن تەماشاکردن، ک وەیەکەو بوودە زیاتر گورانی تەماشاکریاگ لە ناوچەیل ئیسپانی زوان.

لە یەکیگ لە کۆپلێەی گورانیەگە سووکایەتی لە ئەسارەی تووپان ئیسپانی گیرارد پیکێە کەێد، ک پارەکە لەلی جیاوە بوی، ک ئویشێد: ماشین فیرایەگەی کردە رینۆ توینگۆ، و ساعەت رۆلیکسەگەی کردە کاسیۆ.

 هەمیش چڕێد: کەفتیدە دەیشت خول بازیەگەد، ئەراوە کەفێدە گەردە کەسیگ وە ئاست خوەد، من سوار فڕۆکەیگتر بویمە، و دی ئەرا ئەو شوینە گلەو نیەخوەم، ک دی بیئومیدی نیەخوازم.

پیکێە لەبان ئەو گورانیە، ئەویش چگ گریەبەسی وەگەرد کۆمپانیای ساعەت کاسیۆ ئەنجام دا، تا چەودیاری خول بازی شاهەیل بکەێد ک خوەی سازێدەی، هەمیش ماشینیگ توینگۆ ئەرزان بەها رانێد.

وەگورەی راپۆرتەیل راگەیانن، ئەو گورانیە ٥١٢ هەزار دۆلار لەبان یوتیوب و ٥٠٠ هەزار دۆلار لەبان ئەمازۆن، و ٣٦٠ هەزار دۆلار لەبان سپوتیفای و دوو مەلیۆن و ٢٠٠ هەزار دۆلار لەبان ئەپەڵ  ئەرا شاکیرا هاورد.

لە بەرنامەی "El Programa de Ana Rosa"  قانجازەیل شاکیرا لەی سێ گورانی دویاییە هەژمار کریا، ک لەناویان پیکێە کردە ئامانج.

شاکیرا لەی سێ گورانیە نزیکەی ١٥ مەلیۆن دۆلار وەدەس هاورد، تا مرافە و جیاوەبوینی لە یارەگەی بکەێدە پویل  فرەیگ.

پیکێە هەمیش لەو ئامانجکردنە وەلایەن شاکیرا سوودیگ ئەرای رەسێد، ک پاڵپشتیکردن دارایی  و چەودیاریکردن و پرۆپاگەندەی گەپیگ کەفتە دەسی.