سكۆدا وە بەرهەم نوویگ هاوماڵی وەرد ڤۆڵگس ڤاگن کەێد

ماشینەگە وە دیزاین نوویگ وەچەو ماشینەیل وەرین "Kodiaq" دەرکەفت، کە چراخەیل وەکوو ردەمی دووانەکیە، و رویەگەی پانە و کڕکڕ ئەلەمنیۆم لەبانی هەس، و وەشیوەیگ کریایە کە زیاتر وەگەرد تونی وا مەوقەی جویلەکردن بگونجێد.

ماشینە نووەگە وە درویژی ٤ مەتر و ٦٧ سانتیمەترە، و پانی ١٨٦ سانتیمەتر، و چاپ ٥ کوشینەگەی سەندووقیگ ئەرا ٩١٠ لەتر هاناوی، و هەفت کوشینەگەی سەندووقیگ ئەرا ٣٤٠ لەترە.

دیزاین ناو ماشینەگە سادە و نووە وەخود وەختەگە، کە روی رانینەگەی دوگمە لەناوی نییە، و لەجیای ئەوە بویەسە شاشەی تاچ، و گێڕەگەی خریاسە قەی ئیستێرن هەکاتی ماشینە مووەیل ڤۆڵگس ڤاگن.

ماشینەگە سیستەم مقیەتیکردن چەسپیان لە سەرەوخواری و پیچەیل دیرێد، و سیستەمەیل جیاجیا ئەرا رانین، و سیستەم چەسپیان تونی رانین، و هەستیاری رووشنایی و واران، و کامیرای نوا و دویا، و سیستەم گەرم و سەردکردن کوشینەیل.

ئەنجن ئی ماشینەیلە تۆربینیە وە قەوارەی ٢.٠ لەتر و هاز ١٥٠ ئەسپ، و بەشیگیش هازەگەی رەسێدە ١٩٣ و ٢٠٤ ئەسپ.