ئۆپرا خراویەیل ژیان خوەی ئاشکرا کەێد
شەفەق نیوز/ خانمە میدیاکار وەناوبانگ جهانی ئۆبرا وینڤری، ئەرا جاریگ تر باس لە ژیانە ناخوەشەگەی خوەی لەمەوقەی مناڵیی کەێد، وەگەرد ئەوە ک ئەرا چەن جایرگ تر لە چەن پرۆگرام باسیان کردگە. ک وەیەکیگ لە راستگۆ ویرەدار کەسایەتییە ناودارەیل ناسریاگە، ک ئاشکرای نهێنیە خراوەیل ژیان تایبەتی کەێد.
لە ماڵپەڕ فەرمی خوەی لەبان ئینستاگرام، ئۆپرا لە پۆستیگ باس لە خراوی رەفتار داپیری کەێد، ک چەنیگ گفتولفتی تاڵ بویە، و هەمیشە لەوەر بویچگترین باوەت سزای داگە، و نشان دەێد ک ئەو رەفتارەیل داپیریە فرە کاریگەری لەبان تەمەنی بویە.
ئۆپرا وینڤری لەتەمەن ٦٧ ساڵان، چەن وینەیگ مناڵانەی خوەی بڵاو کردگە هەنای لە سەرەتای خوەنەواریی بویە، لەلای داپیری ژیان کردگە، وەرەجیە بچوودە لای داڵگی و ئویشێد: ئەوە فرە هالە هویرمانم ئەوەسە ک لەمناڵی هەس وەتەنیایی کردمە، داپیرم فرە توندوتیژ بویە، لەلای خوەیەو ئەیە خاسترین پەروەردە ورەفتارە وەگەرد مناڵ، هەنای سێ ساڵان بویم لەیادمە وەخراوترین شیوە لەلیم دیاد، وەلی فرە کاریگەری لەبان ئایندەم بوی، وەیجوورە کرد ک لە ئاست ئەو هەمکەی دەسدریژیی وخراویەگ لە دەوروگردم بویە بیدەنگ بووم و ویرەم نوی بویشم نە.
ئیجا، ئۆپرا باس لە خراوی باوگی کەێد، ک وەیجوورە کردگە ک هەرگیز هویر نەکەێد مناڵ بخەێدەو.
