دویای ١٠ مانگ لە سویرەگەی.. ژنیگ لە ئەندەنوسیا زانست ک شویەگەی ژنە
شەفەق نیوز/ ژنیگ لە ئەندەنوسیا، ئمڕوو پەنجشەممە، ئاشکرا کرد ک شویەگەی لە راسی ژنیگە، ئەوەیش دویای دە مانگ لە سویرەگەیان، وسکاڵایگ دادوەری لەبان ئەو ژنە توومار کرد.
راپۆرتەیلیگ راگەیانن ئاژانس شەفەق نیوز نووڕیەی وت: ژن وشویەگە یەکەمجار لەبان ئەنتەرنێت یەک ناسین، وشویەگە ناوی "ئەحنەف ئەرافیف" بوی لە شار گامبی ئەندەنوسیا، ئیجا چەویان کەفتە یەک، وتا هەفتەیگ لەلای هاوژینەگەی بوی.
راپۆرتەگە دیاری کرد ک ئەو ژنە دویای چەن هەفتەیگ داوای دویەتەگە ئەرا خوازین کردیە، باوجی دویای چوار مانگ خیزان دویەتەگە کەفتیەسە گومان، چوینکە ئەو شوییە وەگەرد دویەتیان نەخەفتیە، و رەفتاری وەدڵیان نییە، هەرچەن شویەگە وتیە گوایە خوەی پزشک دەروینیە لە نیویۆرک دەرچگە.
راپۆرتەگە وتیش: داڵگ دویەتەگە هویر کردیە ک ئی زاوایە قەت پڕتاڵەگەی لەوەر نەکەنیە، وهەر وە دڵنگ وەری سناو کردیاد، ودیاری کرد ک دویەتەگە وەتیەسە شویەگەی ئەرا پەنام لە سینەد هەس، وزاواگە وتیە یە بیماری هەرمۆنیە، تا داڵگەگە داوا لەلی کردیە پڕتاڵەیلی لەوەر بکەنێد، لەو مەوقە ئاشکرا بوی ک ژنیگ درووزنە.
