دوو خاڵ کەو لەبان زەوی پرسیار مەردمیگ پەیا کەن
شەفەق نیوز/ گەشتیاریگ ئاسمانی لەبان ویستگەی بۆشایی ئاسمان ناودەوڵەتی (ISS) وینەی ئەڵاجەوییگ ئەرا زەوی لەو ئاسمانەوە بڕێد، ک دوو خاڵ پڕشنگدار کەو ئەڵاجەوی لە تووکڵ زەوی نشان دەێد.
ئەو دوو خاڵ کەوە ک هانە بان زەوی، وەشیوەی ئەڵاجەوییگ دیار دەن، وەلێ لە ڕاسی لە ئەنجام دوو دیاردەی سروشتی جیاجیا دروس دەرکەفتنە، ک لە خود وەختەگە بوینە.
ئەو وینە پارەکە لەلایەن یەکیگ لە ئەندامەیل تیم شاند ٦٦ ئاسمانی گیریایە، ک ناو خوەی ئاشکرا نەکردیە، هەنای ویستە ئاسمانیەگە ناودەوڵەتیەگە وەبان دەریای چین باشوور رەد بویە.
یەکەم خاڵەگە ک خاڵیگ رووشناییە، و لە بەش خوار وینەگە دیارە، بەڵاچەێ گەپیگە لە شوینیگ لە خەلیج تایلاند، و هەمیشە ئاسان نییە ک لە بان ئاسمانەو بەڵاچە دیار بەێد، چوینکە ئەور پووشێدەی، باوجی ئی بەڵاچە لەناو بۆشایی خڕ گەورەیگ لەناو ئەورەگە دیار دایە، ک هیشتیە بەڵاچەگە وەی شیوە نشان بەێد.
ئەو خاڵە کەوەگە ک لەڕاس بەش بانین وینەگە دیارە، لە ئەنجام روسشنایی شیواشوییگ لە مانگەگە هاتگە، ک روی مانگەگە ک رووشنایی لە خوەرەگە بەێد لە پشت ویستگەگە بویە، ئیجا رووشناییەگە لەلای کامیرای ویستگەگە وەیجویرە وە ڕەنگ کەو پڕشنگدار دەرکەفتیە، ک رووشنایی مانگەگە چویچیایە، و بویەسە پارچەیلیگ بویچگ، و ئی گرتە ئەرا یەکیگ لەو پارچەیلە بویە.
