تا بوودە هاوسای مێسی.. بوسکێتس ماڵیگ وە ٨ ملیۆن دۆلار سینێد
2023-08-23T13:48:54+00:00
شەفەق نیوز/ دیارە سێرجیۆ بوسکێتس ئەسارەی ئیسپانی لە فلۆریدا دڵی خوەشەو بویە، نەگ تەنیا وە پەیوەندیکردنی وە ئینتەر میامی ئەمریکی و هاوکاری وەگەرد لیۆنێل مێسی هاوڕێی پێشووی، بەڵکم ئەرا ئەوە کە بوودە هاوسای "ئەفسانە"گە لە دەیشت یاریگا.
رووژنامەی وەرزشی "مارکا"ی ئیسپانی ئاشکرا کردیە کە بوسکێتس تەمەن 35 ساڵ ماڵیگ وە 8.7 ملیۆن دۆلار سەنیە، یەیش رووژیگ وەرجە ئەوەگ ئینتەر میامی یەکەم نازناو خوەی کە جام خول مەکسیکی وەدەس بارێد.
ماڵە نووەگەی خیزان بوسکێت کەفێدە کەنار ئاو باکوور میامی، هەفت ژوور و شەش حەمام و گەراجیگ هاناوی.
بەڵام گرنگترین سوود ئەرا ئەسارەی وەرین بەرشەلۆنە ئەوەس کە ماڵەگەی کەفتە نزیک ماڵ مێسی (تەمەن 36 ساڵ).
وەگورەی رووژنامەی مارکا، بوسکێتس میامی وە شوینیگ فرە خاس و ناوازە زانێد ئەرا ژیان و پەروەردەکردن منداڵ.
