پیاویگ وە مدوو نویسن 667 جار ناو دویەتەگەی لەبان لەشی ناوی چوودە ناو کتاو گینس
2023-09-19T10:12:52+00:00
شەفەق نیوز/ پیاویگ لەوەر دووسداشتن فرەیگ ئەرا دویەتەگەی 667 جار ناو دویەتەگەی لەبان لەشی تاتۆ کەێد و وەی مدووە ناوچوودە ناو کتاو گینس.
لە باوەتیگ ماڵپەڕ "السومریة" چیرووک باوگیگ بەریتانی بڵاوکردیە کە دوو جار ناوی چیەسە کتاو گینس وە مدوو دوسداشتن فرەیگ ئەرا دویەتەگەی 667 جار ناوی لەبان لەش خوەی نویسایە.
مارک ئیڤانس لەساڵ ٢٠١٧ ناوی چیەسە ناو کتاو گینس دویای ئەوەگ 267 جار ناو دویەتەگەی لەبان پشت خوەی تاتۆ کرد، باوجی ئەو شمارەپەیمانەییە وەلایەن دیدرا ڤیجیل شکیا وە 300 جار نویسین ناو دوسەگەی وە تاتۆ لەبان لەشی.
ئیڤانس بڕیار دەێد دوارە شمارە پەیمانەیەگەی خوەی وەربگرێد وە دوارە نوسین 400 ناو "لوسی" دویەتی وەتاتۆ لەبان پشتی یەیش پەنج ساعەت تواستیە تا تاتۆی ئەو 400 ناوەگە بکەێد.
ئێ باوگە بڕیار دایە مقیەتی لە توومارەگە بکەێد، چوینکە ئامادەیی خوەی نیشاندایە ناو دویەتیە لەبان تەواو لەشی تاتۆ کەێد.
