کابرایگ نەزان فڕۆکەیگ رانێد.. ڤیدیۆ
شەفەق نیوز/ دویای لەهووشچگن فڕۆکەوانیگ، کابرایگ لەناو فڕۆکەگە ک هویچیگ لە فڕۆکەوانی نیەزانێد، لەجی فڕۆکەوانەگە نیشت، و بڕیار دا ئەو فڕۆکەی "سیسنا" داگرێدە زەوی.
وەگورەی رووژنامەی "دەیلی میل" بەریتانی، ئەو کابرا، روی وەرەو ماڵ خوەی کردیە تا چەوی بکەفێدە ژنەگەی، و سوار فڕۆکەی "سیسنا ٢٠٨" بویە تا لە دوورگەیل باهاما بڕەسێدە فلۆریدای ئەمریکا، وەرجەیە ئەو دڕاما دەسوەپی بکەێد، ک وە کاریگ ئەڵاجوی باسی کریا.
دەنگ ئەو کابرا لەناو فڕۆکەگە رەسیە گووش ئەو کەسەگ وەرپرسە لەبان جویلەی ئاسمانی لە شار بیرس، ک وەپی وت: کەفتیمنە رویداو رخبەریگ، هەنای فڕۆکەگەیان لەبان کناراو فلۆریدا باڵگردیاد.
وتیش: فڕۆکەوانەگە لەهووش خوەی چگە، و هویچیگ لە فڕۆکەوانی نیەوزانم، و وەرپرسەگە وت: ئیسە هایدە کوو؟، کابرای ناو فڕۆکەگە وت: نیەزانم، باوجی کناراو فلۆریدا ها ژیرمان.
دەیلی میل وتیش: کابرای ناو فڕۆکەگە وەشیوەی خاسیگ ئارام بوی، و توەنستن بیلێد ئەو فڕۆکە لە فڕۆکەخانەی "باڵم بیچ" بنیشێدەو، ئەوەیش وەدەسمیەتی وەرپرس جویلەی ئاسمانی، ک لەبان زەوی قسە وەگەردی کرد.
?
