نه‌جه‌ف داوا له حكومه‌ت ئه‌كا رێ وشوون خواست له‌باره‌ى "كۆرۆنا" بگرێده وه‌ر
شه‌فه‌ق نيوز/ لوئه‌ى ياسرى پاريزگار نه‌جه‌ف، ئاشكراى له‌وه‌رگرتن رێ وشوون مقه‌يه‌تيكردن كرد ئه‌را وه‌رگرى له جيوازبوين ڤايرۆس كۆرۆنا ئه‌را پاريزگاگه‌و داوايش له حكومه‌ت عراقى كرد رێ وشوون خواست له‌وه‌ر نواگيرى له ڤايرۆسه‌گه بگرێده وه‌ر.
ياسرى له به‌ياننامه‌يگ ئه‌را شه‌فه‌ق نيوز وت: حكومه‌ت ناوچه‌يى له‌ڕێ وه‌ڕيه‌به‌رايه‌تى ته‌ندروسى پاريزگاگه رێ وشوونه‌يليگ ئحتيات له‌وه‌ر گرتگه ئه‌را نواگيرى له ڤايرۆس كۆرۆنا ئه‌را پاريزگاگه.
باس له‌وه‌يش كرد ده‌روازه‌يل مه‌رزێ وه‌تايبه‌ت ته‌ياره‌خانه‌ى نه‌جه‌ف پيرووز رێ وشوون خواستيگ ئه‌را فه‌حسكردن گشت زياره‌تچيه‌يل وه‌ره‌و پاريزگاگه وه ئامێره‌يل تازه گرته‌سه وه‌ر، بيجگه دياريكردن شوون تايبه‌ت ئه‌را دويره‌وخستن هه‌ر حاڵه‌تيگ گومانليكرياێ و مامڵه‌كردن وه‌ليا وه پزيشكييگ ته‌واوه‌و له‌لايه‌ن پزيشكه‌يل تايبه‌تمه‌ند نه‌جه‌ف.
