فراكسيۆن عه‌لاوی له ئه‌نبار گومان له پاكی ئاكام هه‌ڵوژاردنه‌يل كرد
سه‌عدون شه‌علان كانديد فراكسيۆنه‌گه ئه‌را (شه‌فه‌ق نيوز) وت: حاڵه‌تيگ له گومان له‌لامان په‌يا بويه وه ئه‌وه‌ك له‌بريگ له‌بنگه‌يل ده‌نگداين وازی وه‌پرووسه‌ی هه‌ڵوژاردن كرياگه له‌شوون ئه‌وه‌ك ده‌ركه‌فت ك فراكسيۆن مته‌حدون ده‌نگ فيشتر وه‌ده‌س هاوردگه وه به‌راورد وه‌ل باقی فراكسيۆنه‌يل تر سياسی.
شه‌علان ك پۆست جيگر سه‌رۆك ئه‌نجوومه‌ن پاريزگای ئه‌نبار وه‌رين داشتن، هه‌ميش وت: ئاكام ده‌نگه‌يل گشت فراكسيۆن و قه‌واره‌يل سياسی به‌شدار له هه‌ڵوژاردنه‌يل ئه‌نجوومه‌ن ئه‌نبار تا راده‌يگ له يه‌كه‌و نزيكه‌و په‌سه‌نه ته‌نيا فراكسيۆن مته‌حدون نه‌ود ك جی گومانه.
جی باسه، دويه‌كه شه‌ممه كومسيۆن باڵای هه‌ڵوژاردنه‌يل له‌عراق ئاشكرای ئاكامه‌يل سه‌ره‌تايی پاريزگای ئه‌نبار كرد ك له‌تی ليست(مته‌حدون) وه‌سه‌رۆكايه‌تی ئوسامه نوجێفی له پله‌ی يه‌كه‌م بوی و ليست (عابرون) وه‌سه‌ركردايه‌تی قاسم فه‌هداوی پاريزگار وه‌پله‌ی دويه‌م و ليست (عراقيه‌ی عه‌ره‌بی) وه سه‌ركردايه‌تی ساڵح موتڵه‌گ وه‌پله‌ی سێيه‌م و دوياخريش ليست (ئئتلاف يه‌كگرتگ عراقيه) وه سه‌ركايه‌تی ئه‌ياد عه‌لاوی وه‌پله‌ی چواره‌م.
ج .أ
