رووژنامه‌نويسه‌يل كورد له‌به‌غدا دويای كوشيان زه‌وبه‌عی داوا له حكوومه‌ت كه‌ن مقه‌يه‌تی رووژنامه‌نويسه‌يل بكا
2013-06-12T13:00:18+00:00
له به‌ياننامه‌ی سه‌نديكای رووژنامه‌نويسه‌يل كوردستان لق به‌غدا ئه‌را (شه‌فه‌ق نيوز) هاتگه: ئی جاره ده‌س گرووپه‌يل چه‌كدار دريژه‌و بوی له‌بان قه‌ڵه‌م ئازاد و قسه‌ی راس تا زه‌فه‌ر له زامل غه‌نام زه‌وبه‌عی رووژنامه‌نويس هاوپيشه‌مان بارن ك وه ده‌س چه‌ته‌يل تاوانكار كوشيا له ناوچه‌ی وه‌شاش له به‌غدا.
به‌ياننامه‌گه جه‌خت له‌وه‌يش كرد ك ئامانج له كوشتن خاوه‌ن قه‌ڵه‌مه‌يل ئازاد ته‌نيا هه‌وڵيگه ئه‌را ده‌مبه‌سانن و كپه‌وكردن ده‌نگه‌يل رووژنامه‌گه‌ری و دروسكردن باريگ پڕ مه‌ترسی له‌ناونی خيزان رووژنامه‌گه‌ری عراقی.
ج . أ
