حه‌كيم ره‌خنه له ره‌فتاره‌يل ئه‌ڵڵاجه‌وی هووزايه‌تی گرت ك دژ ياساو هه‌قه‌يل ئاده‌ميزاده
حه‌كيم له دانيشتنيگ له نويسينگه‌ی خوه‌ی وه‌ل سه‌رۆك هووزه‌يل عراقی ك(شه‌فه‌ق نيوز)ئاگاداری بوی، وت: هووز جوور خێزانه‌و بايه‌سه سه‌ر ئه‌را ياسا بچه‌منێد، چوينكه بڕيگ داب ونه‌ريت ئه‌ڵڵاجه‌وی هووزايه‌تی هه‌س هاميته‌ی خوه‌شی و ناخوه‌شيه‌يلمان بويه‌و هه‌ر له‌وه‌ر ئه‌وه‌يش له سه‌رۆك هووزه‌يل خوازياريم ئه‌و ره‌فتاره‌يله نه‌يلن و له‌ژير سای ياسا ره‌فتار بكريه‌يد.
حه‌كيم وجوود هووزه‌يل وه پارێزه‌ر ئاسايش دژ تايفه‌گه‌ری و جوور قه‌ڵای سه‌ختيگ دژ كوشتار و تون وتيژی تاريف كرد وه ئه‌وه‌ك بايه‌سه له‌گشت بواره‌يل ژيان نه‌خش كاريگه‌ر داشتوودو هه‌ر له‌وه‌ر ئه‌وه‌يش داوا له ده‌وڵه‌ت عراقی كرد ئی كار هووزايه‌تيه يه‌كلاوه بكاو هووز جوور هووكار هه‌ڵوژاردن نه‌ود، به‌ڵكوو بايه‌سه جوور خيزانيگ بوودو چه‌وديری بكريه‌يد.
جی باسه، حه‌كيم ئاماژه وه‌يه‌يش كرد ك فراكسيۆن مواتن وه هاوكاری وه‌ل باقی فراكسيۆنه‌يل تر نوێنه‌رايه‌تی هه‌وڵ ده‌ركردن ياسايگ ئه‌ياد له ئه‌نجوومه‌ن نوێنه‌ره‌يل ئه‌را نواگيری له‌و داب و نه‌ريت و ره‌فتاره‌يل هووزايه‌تيه ك دژ ياساو هه‌قه‌يل ئاده‌ميزاده.
ج . أ
