بارزانى داوا له ئه‌ندامه‌يل فراكسيۆن پارتى ئه‌كا وه‌رگرى له ماف عراقيه‌يل بكه‌ن
شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، له هه‌وارگه‌ى سه‌ڵاحه‌دين چه‌وێ كه‌فته ئه‌ندامه‌يل فراكسيۆن پارته‌گه‌ى له ئه‌نجومه‌ن نوێنه‌ره‌يل عراقى.
بارزانى له‌و دانيشنه وه‌ئامانج ئاڵشت وئوڵوشت هوير وڕا له‌باره‌ى روێداگه‌يل سياسى و تاووتوێكردن دويايين روێداگه‌يل و ئاڵشتكاريه‌يل له عراق، له وته‌يگى رووشنايى خسته بان گرنگى رۆڵ نوێنه‌ره‌يل پارت ديموكرات كوردستان له ئه‌نجومه‌ن نوێنه‌ره‌يل عراقى له‌وه‌ر خاتر وه‌رگريكردن له ماف ره‌واى ملله‌ت كوردستان و جه‌ختيش له خواست وه‌رگريكردن له ماف گشت هاووڵاتيه‌يل پاريزگايه‌يل تر عراقييش كرد جوور ئه‌وه‌گ وه‌رگرى له مافه‌يل ملله‌ت كوردستان ئه‌كريه‌ێد.
له ته‌وه‌ريگ تر وته‌گه‌ێ، بارزانى گوزارش له راى خوه‌ى كرد له‌باره‌ى چاره‌سه‌ر كيشه‌يل ناونى هه‌ولێر و به‌غدا و چوينێتى ريكخستن په‌يوه‌نديه‌يل وه‌ل لايه‌نه‌يل سياسى و كار و هه‌ماهه‌نگى وه‌ل ئه‌و لايه‌نه‌يله.
