10 ساڵ وەبان جینۆساێد ئێزیدیەیل رەدبوی
لە شەوەکی شەفەق 3ی ئاب 2014چەکدارەیل رێکخریاگ دەوڵەت ئیسلامی عراق و شام "داعش" دەسکردە پەلامارداین شەنگال و ئاوایەیل دەوروگەردی و بەشیگ فرە لە سنوورەگە وە دانشتگەیلیان کەفتنە ژیر چنگ چەکدارەیل گرووپەگە.
لە رووژیل دوایی پرۆسەگە فرەتر ئەوزەڵ سەن، بویە هووکار شەهید بوین و بیسەروشوینبوین زیاتر لە 10 هەزار ئێزیدی، و 360 هەزارکەیش ئاوارەبوی، ئاوای و پەرەستگایەیلیان ویرانکریا پیایەیلیان وە کۆمەڵ کوشیان و دویەت و ژنەیل گەنجیش جویر سەبایا و کەنیزەک ئەرا موسڵ و رەققە و ناوچەیل ژیر دەس خەلافەتەگە کلکریان.
بەشیگ لەو هاوڵاتیەیلە کە توەنستن بوان روی کردنە کویەی شەنگال و چەندین رووژ بی ئاو و نان مەنن، کە لەوەر ورسگی و تینگی شمارەیگیان گیان لەدەسدان.
ئێزیدیەیل فرەیگیان لە شەنگال و ناوچەی شێخان زندگی کەن خاوەن ئاینیگ تایوەت وە خوەیانن هەمیش لە لە بۆتان و دەربێسیە و باکوور پارێزگای حەسەکە و عەفرین لە حەلەب و ئەلەگەزی ئەرمەنستان و پارێزگای قەرس و ئەردێخانی باکوور خوەرهەڵات تورکیا زندگی کەن.
لە بڕوار ئاب 2019 پەرلەمان کوردستان لە کوبوونەوەیگ نائاسایی رووژ 3ی ئاب جویر رووژ جینۆسای کوردەیل ئێزدی دیاریکرد.
