گۆڕان خوازياره كورد"پلانه‌يل پيشوه‌خته"دابنه‌ێد له‌باره‌ى دوسيه‌يليگ گرنگ عراقى
2019-12-14T11:37:03+00:00
شه‌فه‌ق نيوز/ دلێر عه‌بدولخالق ريكخه‌ر غورفه‌ى ره‌سانن له بزووتنه‌وه‌ى گۆڕان، داوا له لايه‌نه‌يل سياسى كورد كرد پلانيگ پيشوه‌خته دابنه‌ن له‌باره‌ى به‌ش هه‌رێم له روێ سياسى و داراييه‌و.
عه‌بدولخالق له به‌ياننامه‌يگ وت: بزووتنه‌وه‌ى گۆڕان ها وه‌ل هاوبه‌شى راسكانى سياسى و گفتگوو له‌وه‌ر داناين ستراتيجييه‌تيگ گونجياێ له‌باره‌ى مه‌سه‌له‌يل په‌يوه‌سه وه عراق و ئاماژه وه‌يه‌يش كرد بارودوخ ئه‌منى و سياسى له عراق ناسه‌قامگيرى و ئه‌گه‌ره‌يل فريه‌يگ هه‌س له‌بان گشت پيكهاته‌يل.
عه‌بدولخالق جه‌ختيش له‌وه كرد كورد پلانيگ پيشوه‌خته ئه‌را كاره‌يليگ دابنه‌ێد، وه‌تايبه‌ت ئه‌و كاره‌يله ك په‌يوه‌سه وه ياساى هه‌ڵوژاردنه‌يل و هه‌مواركردنه‌وه‌ى ده‌ستوور و دامه‌زرانن حكومه‌ت و به‌ش كورد له‌روێ سياسى و داراييه‌و.
