وینە.. هەولێر ساڵیاد کووچکردن ئیدریس بارزانی کەێد
2023-01-31T14:24:42+00:00
شەفەق نیوز/ لە شار هەولێر پایتەخت هەرێم کوردستان، ئمڕوو سێشەممە، رسوومەیل زنیکردن ٣٦مین ساڵیاد کووچکردن ریبەر کورد ئیدریس بارزانی باوگ سەرۆک نێچیروان بارزانی وەڕیەو چگ.
رسوومەیل ساڵیادەگە لەناو هۆڵ نویسینگەی راگەیانن پارت دیموکرات کوردستان وەڕیەو چگ.
لەناو ساڵیادەگە فیلمیگ دیکۆمنینتاری لە ژیان رەحمەتی ئیدریس بارزانی و رۆلی لە بزووتنەوەی ئازادیخوازی کورد و ئاشتی ناوبەین هیزەیل کوردستانی نمایش کریا.
لەناو رسوومەیل بڕیگ لە کەسایەتیەیل حکومەتی و حزبی لە شار هەولێر ئامادە بوین.
ریبەر ئیدریس بارزانی کوڕ سەرکردەی کورد رەحمەتی مەڵا مستەفا بارزانی لە رووژ ٣١ کانون دویەم لەساڵ ١٩٨٧ لە ئیران دویاکووچی کرد، و لە شان باوگی لە شار شنۆ لە ئیران وەخاک سپاریا، تا ئیجا گلیانەو بیەن و لەشوین لەداڵگبوین خوەیان لە ناوچەی بارزان لە هەرێم کوردستان لە ٨ تەشرین یەکەم ساڵ ١٩٩٣ وە روسوومەیل فەرمی بنریەنە خاک.
