وێنە.. سەختی ژیانەگە هیلێد ژنیگ لە باخچەی گشتی سلێمانی جگارە بفرووشێد
شەفەق نیوز/ قەیرانە ئابوورییەگە ک وە عراق و هەرێم کوردستان رەد بوود، کاریگەری لەبان رەوش ژیان و گوزەران مەردمەگە داشت، ک هیشت بەشیگ لە ژنەیل پەنا وەمەیدانەیل کارەکان بیەن، تا ژیان رووژانەی خوەیان دابین بکەن.
مەریم ئەحمەد (ناو راسی خوەی نییە) لە باخچەی گشتی لە شار سلێمانی، هەرچەن خوەی خوەشی لە جگارە و لە بوون دویکەڵەگەی نێەتیەێد، کار لە جگارە فرووشتن کەێد، و ئەرا ئاژانس شەفەق نیوز ئووشێد: لە دوو مانگە زیاتر لە جگارە فرووشتن لەبان رییەگان کار کەم، چوونکە کاریگ پەیا نەکردم وەگەرد رەوش تەندروسی خوەم بگونجیەێد، هەرچەن خوەشم لە جگارە نێتیەێد، باوجی ناچارم بفرووشمەی مەردمەگە، ک دەرفەتیل کار فرە کەمن، و ژیانەگە سەختە.
دەربارەی ئەو سەختیەیلە ک جوور ژنیگ کەفنە نوای، مەریەم ئووشێد : بەشیگ لە مەردمەگە هەنای لە نزیکم رەد بوون ڕەخنەم کەن، و بەشیگ هانم دەن، وەتایبەت لە ژنەیل، ک هیچ وەختیگ کارکردن شەرم نییە.
ودیاری کەێد؛ ژن لەیرا لە ژیانەگە پشت وەخوەی بەسێد، و من نێخوازم دەس ئەرا کەسیگ دریژ بکەم یا کار ناڕاسیگ بکەم، و دیاری کرد ک قانجازەیلی لە رووژیگ لە ١٠ تا ١٥ هەزار دینار رەد نێکەن.
