وینە.. ئاهەنگ رووژ جەهانی مناڵ لە گەرمیان
شەفەق نیوز/ ئیدارەی سەروەخوەیی گەرمیان لە هەرێم کوردستان، ئمڕوو چوارشەممە، ئاهەنگیگ وە چەن چالاکییگ وە رووژ جەهانی مناڵ سازێد. فەرمانگەی روشنهۊری مناڵ گەرمیان، بڕیگ چالاکی هونەری سازێد، پێشانگا وگورانی و مۆسیقا وەگەرد بەشەوکردن دیاری ئەرا مناڵەیل لەناوی بوی.
ئیسماعیل حسێن فەرحان وەڕیەوبەر فەرمانگەی روشنهۊری مناڵ لە گەرمیان ئەرا ئاژانس شەفەق نیوز وت: فەرمانگەگە ئمڕوو یاد جەژن مناڵ کرد ک کەفێدە یەک حوزەیران لە فرەی دەوڵەتەیل جەهان، وپیرووزبایی ئەرا مناڵەیل عراق وکوردستان پێشکەش کرد.
وتیش: ئیمە لە فەرمانگەی روشنهۊری مناڵ گەرمیان بڕیگ لە چالاکیەیل هونەری و مۆسیقا وگورانی ئەرا دروسکردن زەردەخەنە لەڕوی مناڵەیل ئەنجام دایمن، وەچەودیریکردن سەرپەرشتیار ئیدارەی گەرمیان جەلال شێخ نووری، وەسەرپرشتی وەڕێەوبەرایەتی گشتی روشنهۊری و هونەری لە گەرمیان.
لەلای خوەییش، جەلال شێخ ننووری پیروزبایی لە مناڵەیل جەهان ومناڵەیل کوردستان کرد، وتیش؛ مناڵەیل خوەیان دویارووژ بینا کەن، ئەراوە بایەتە گرنگی وە پەروەردە وئەوزەڵییان بیەیمن، وەخاتر دویارووژیگ خاستر.
ئەو ئاهەنگە ک وەرپرسەیلیگ حکومەتی وحزبی ئامادەی بوین، پێشانگای شیوەکاری مناڵەیل، وپێشکەشکردن پارچەیل مۆسیقا وگورانی لەناو بڕ فرەیگ لە مناڵەیل لەناوی بوی.
