وەفر وارین لە باکوور کوردستان دەسوەپی کرد
2022-10-21T13:50:10+00:00
شەفەق نیوز/ لە پارێزگای ئەردەخان لە باکوور کوردستان لە دویای ئەوەگ دویکە واران فرەیگ واری ئمڕوو وەفر واری و ناوچەگە چەرمگ پووش کرد.
میدیایەیل باکوور کوردستان باس لەوەکەن، نزمەوبوین وەرچەوەیگ لە پلەیل گەرما لە شەوەکی ئمڕوو بویە هووکار وارین وەفر فرەیگ لە ناوچە بەرزەیل پارێزگای ئەردەخان.
وەفر وارینەگە وە تایبەت لەبان ری سەرەکی (ئەردەخان - شاڤشات) خەسوبویە ک پارێزگای ئەردەخان وە ناوچەی دەریای رەش لە تورکیا بەسێد و گرفت هاتوچوی ئەرا رانندەیل دروسکردیە.
