وەیاد کیمیا وران هەڵەبجە.. نێچیروان بارزانی: قەوارەی کوردستان بەرهەم خوینە بایەسە مقیتەتی بکریەێد
بارزانی لە بەیاننامەیگ کە لەی یادە بڵاوی کرد و رەسیە ئاژانس شەفەق نیوز وت : “وە شەرەف و ڕێزەو سەر ئەرا گیان پاک زیاتر لە پەنج هەزار شەهید هەڵەبجە و گشت شەهیدەیل کوردستان چەمنیمن، و وە پیزانین و شەرەف یادیان کەیمن، و سڵاو لە گشت کەسوکارەیل شەهیدان کوردستان و گشت ئەو قوربانیەیلە کە تا ئیسەیش وەدەس کاریگەری و جیماگە و نەخوەشیەیل ئەو تاوانە ناڵن.»
بارزانی وتیش: "کیمیاوارانکردن هەڵەبجە ئەڵقەیگە لە زنجیرەیگ تاوان و جینۆساید و ئەنفال و کوورپە کوشتن، وە گشت دڕندەیییگ ئەنجامدریاس وەرانوەر خەڵک ستەملیکریاگ و ئاشتیخواز کوردستان کە خوەشیان لە ژیان و مرۆڤایەتی تیەێد، ئی گەلە کە هویچ گوناهیگ نەیاشت بیجگە لە داواکردن ماف و ژیان و ئازادی و کەرامەتیان، ئەگەر هەر دادپەروەرییگ بویاتاد تاوان جینۆساید لە هەڵەبجە بەسە ئەرا داننان وە گشت مافە رەوایل خەڵک کوردستان.”
سەرۆک هەرێم کوردستان دووپات لەبان گرنگی "قەرەبووکردن هەڵەبجە و خەڵکەگەی و گشت قوربانیەیل جینۆساید نەتەوەیی و ئەنفال و تاوانەیل ترەک رژیم وەرین لە هەرێم و لە گشت روییگ کرد و خاسترین خزمەتگوزاری ئەرایان دابین بکریەێد لە گشت بواریگ."
بارزانی داوا لە حکومەت فیدراڵی کرد "ئەرک و وەرپرسیاریەتیەیلی جیوەجی بکەێد و دادپەروەری ئەرا قوربانییەیل وەدەس بارێد"، هەمیش داوا لە کۆمەڵگەی ناودەوڵەتی کرد "کاربکەن تا هەرگیز ری نەیریەێد تاوان و جینۆساید لەیجویرە
لە هویچ شوینیگ دووارەو بوود".
وتیش "دەستکەفتەیل و قەوارەی سیاسی و دەستووری فیدراڵی هەرێم کوردستان بەرهەم خوین شەهیدان و قوربانیدان خەڵک کوردستانە وە گست پێکهاتەیلی. ئەراوە ئەرک گشت لایەگە مقیتەیی بکەن". لە ری یەکێتی رزەیل و یەکگرتگی، وەو شیوە کە گیان شەهیدەیل و دڵ خیزان و دووسەیلیان خوەش بکەیمن، تا بتوەنیمن وەیەکەو وەرەو بانانیگ خاستر و بیوەی گام بنەیمن”.
