کوشیان و زەخمداری وە رویداویگ هاتوچو لە کەرکوک
2024-08-16T10:49:09+00:00
شەفەق نیوز/ سەرچەوەیگ ئەمنی لە کەرکوک، ئمڕوو جمعە، خەوەردا لە کوشیان کەسیگ و زەخمداری کەسیگ ترەک لە ئەنجام رویداویگ هاتوچو دڵتەزن لەبان ری کەرکوک - تکریت باشوور پارێزگاگە.
سەرچەوەگە ئەرا ئاژانس شەفەق نیوز وت: رویداویگ هاتوچو کەفتە ناوەین دوو ماشین یەکیگ مارکەی تۆیوتا و ئەوەکە ماشین بارهەڵگەر گەورە لەناو ناحیەی رەشاد، و بویە هوکار کوشیان رانندەی ماشینە بویچکەگە، زەخمداری کەسیگ ترەک.
سەرچەوەگە وتیش: هیزیگ پولیس تەرمەگە ئەرا پزشک دادوەری کلکرد، و زەخمدارەگە ئەرا خەسەخانە، و لێکۆڵینەوە لە رویداوەگە واز کرد.
