کوشیان و زەخمداری سێ ژن وە رویداویگ هاتوچو و پەیاکردن تەرم ژنیگ لە سلێمانی

ئەفسەریگ لە پولیس هاتوچو ئەرا ئاژانس شەفەق نیوز وت: رویداوەگە لە ئەنجام پلیان ماشینیگ مارکەی تویوتا ئەڤیلۆن لەبان ری سلێمانی - دوکان ژنیگ گیانی لەدەسدا و دوو ژنیش زەخمدار بوین، وتیش؛ رویداوەگە لەوەر رانین وەتونی فرەیگ و ناهوشیاری راندەگە بویە.

وتیش؛ گشت سوارەیل ناو ماشینەگە و رانندەگە لە نەتەوەی عەرب بوینە، و دیاری کرد کە رانندەگە دویای رویداوەگە وەرەو شوین نادیاریگ وایە.

هەرلیوا، دەسەڵاتەیل ئەمنی تەرم ژنیگ کوشیای لە گەڕەک سەرچنار لە شار سلێمانی پەیا کردن.

وەگورەی زانیارییەیل، ئەو ژنە لەداڵگبوی ساڵ ١٩٨٥ه و نەتەوەی عەربە، تەرمەگەی  لەناو ماڵەگەی لە سەرچنار پەیا کریا.

ئەو زانیارییەیلە نشان دەن کە لەوەر شیەوبوین تەرمەگە، نیزانن چوین ژنەگە مردیە، و ئەرا پزشک دادوەری سلێمانی کل کریا.