کوشیان سێ کەس لە یەک خیزان وە رویداویگ دڵتەزن لە شنگال

شەفەق نیوز/ وەڕیەوبەر ئیدارەی قایمقامیەت شنگال، جەلال خەلەف، ئمڕوو چوارشەممە، خەوەردا لە کوشیان سێ کەس لە یەک خیزان، لەناو رویداویگ هاتوچو دڵتەزن.

خەلەف ئەرا ئاژانس شەفەق نیوز وت: ئەو سێ قوربانیە گەنجیگ وەگەرد ژنەگەی و داڵگی خەڵک کۆمەڵگەی حەتین باکوور شنگال بوین، و دیاری کرد کە رویداوەگە دویەشەو لە وەخت دیریگ لەبان ری ناوەین شنگال و تەلەعفەر بویە.

وتیش: رویداوەگە سەخت بویە و بویە هوکار کوشیان ئەو خیزانە وە کوتپڕ.

هەمیش داوا لە حکومەت موسڵ کرد وەزوی جویلە بکەن ئەرا خاسەوکردن ئی ری گرنگە کە هامشوو فرەیگ هابانی، لەوەر ئەو رویداوەیل فرە کە لەناوی بوود و ئەو کەسەیلە کە گیانیان لەدەسدەن.