هەولێر و بەغداد دەسەیگ حکومەتی ئەرا مقەیەتی بەرهەم ناوخۆیی دروس کەن
شەفەق نیوز/ هەر لە وەزارت بازرگانی و پیشەسازی لە هەرێم کوردستان و وەزارت پیشەسازی لە حکومەت فیدڕاڵی، ئمڕوو چوارشەممە، رێککەفتن لە دروسکردن دەسەیگ هاوبەش ئەرک مقەیەتیکردن بەرهەم ناوخۆیی و فرووشتنی هەڵکرێد و هەمیش کەمەوکردن ئەو ڕۆتینە لە دەرکردن مووڵەت دامەزراننە پیشەسازییەگان.
ئەوەیش لە کۆنگرەیگ هاوبەشیگ لەلایەن هەر لە کەمال موسلم وەزیر بازرگانی کوردستانی، و منهل خەباز وەزیر پیشەسازی و شاند یاوەری لە شار هەولێر و ئاژانس شەفەق نیوز ئامادەی بوی.
موسلم لەناو کۆنگرەگە وت،: لە چەوپیکەفتنەگە باس لە ئەوزەڵکردن پیشەسازی و دروشم بازرگانی و ناوچەو شارە پیشەسازییەگان کریا، و هەماهەنگی و هاوکاری لە گشتەچینەگان، و چەودیریکردن بڕیارەگان لە هەردوگلا لەباوەت مقەیەتیکردن بەرهەم ناوخۆیی.
وتیش؛ بڕیار دایمن دەسەیگ هاوبەش دروس بکەیمن، و لە سوو پەنجشەممەو دەسەگە دەسکەێدە کارەگەی و تەمەیەگان ئەرا چارەسەرکەردن هەر گرفتیگ لەناوبەین هەردوگلا و تا لە ئایندە دووارەو نەوون.
لەلای خوەییش خەباز وت: ئامانجەگە لە سەردان هەولێر ئەرا هاوکاری و هەماهەنگیە لە چینەیل بازرگانی و پیشەسازی لەناوبەین حکومەت هەرێم و حکومەت فیدڕاڵی، و گرفتەیلیگ هەس کەفنە نوای کەرت پیشەسازی لە دەرکردن مووڵەت دامەزرانن کۆمپانیاگان و کارەگاگان، و وەشیوەی فراوانیگ باسیان کردیمن، هەمیش باس لە مقەیەتیکردن بەرهەم ناوخۆیی و میکانزمەیل ئی چینە کریا، و هەمیش دروسکردن شارەیل بازرگانی و پیشەسازیەگان، و هەمیش سوودگردن لە ئەزموون هەرێم کوردستان لە کیشانن بەرهەمهاوردن و کۆمپانیا بیگانەگان ئەرا کارکردن لە کوردستان.
و ئاماژە کرد لە رێککەفتن هەردوگلا لە دروسکردن دەسەی هاوبەش ئاست باڵایگ، هەر ٦٠ رووژ کۆبونەوە کەن، و راپۆرتەگانی ئەرا نووسینگەیل هەردوگ وەزیرەگە بەرزەو کەن، وەوەگ پەیوەندی وە کەرت پیشەسازی دیرێد، و مووڵەت داین ئەرا دامەزرانن کارەگان و کۆمپانیاگان، و دیاری کرد ک هەردوگ لاگە ئەوەسا ئاسانکاری لەی کارەیلە کەن.
