هەولێر میوانداری کۆنفرانسیگ ناودەوڵەتی ئەرا پزشکەیل سوخان و شکیان کەێد.. وینە
2023-06-08T10:31:54+00:00
شەفەق نیوز/ ئمڕوو پەنجشەممە، وە بەشداری ناودەوڵەتی، چالاکییەیل سێیەمین کۆنفرانس پزشکی ئەرا پزشکەیل سوخان و شکیان لە شار هەولێر پایتەخت هەرێم کوردستان دەسوەپی کرد.
د.بایە خ ئازاد، یەکیگ لە بەشداربویەیل کۆنفرانسەگە، ئەرا ئاژانس شەفەق نیوز وت: "کۆنفرانسەگە لە چاپ سێیەمی ئەرا پشکی سوخان و شکیان، ک پزشکەیل بەشداربوی توەنن سوود لە نووترین تەکنەلۆجیای وەردەس ئەرا چارەسەر و نەشتەرگەری بگرن، و ئەوەیش بوودە زیادکردنیگ گرنگ لە پسپۆڕی سوخان و لە گشت عراق.
وتیش: "پزشکی پسپۆڕی سوخان لە هەرێم کوردستان وە وەردەوامی پیشکەفتن دیرن، لە ئەنجام وەدەسکەفتن تەکنەلۆجیا و ئامێرەیل ئەرا ئی پسپۆڕییە".
پەیامنێر ئاژانس شەفەق نیوز وت: 45 پزشک ناودەوڵەتی بەشداری لە کۆنفرانسەگە کردنە، ک تا ماوەی دوو رووژ وەردەوامە.
