هەولێر پشتگیری جیوەجیکردن هەڵوژاردن ئەنجومەن پارێزگایل وەگەرد هەڵوژاردن پەرلەمان کوردستان کەێد
خۆشناو لە وتاریگ ئەرا رووژنامەنویسەیل وت: وەداخەو نەتوەنستیمن پارەکە هەڵوژاردن ئەنجومەن پارێزگایل جیوەجی بکەیمن، لەوەر ئەوە ک لایەنەیل سیاسی نەڕەسینە رێککەفتن ریشەیی.
وتیش: ئومید خوازیمن کۆمسیۆن باڵای هەڵوژاردن و ریفراندۆم گورجەو بکریەێد، و فراکسیۆن و لایەنە سیاسیەیل بڕەسنە رێککەفتنیگ بەرهەمدار ئەرا جیوەجیکردن هەڵوژاردن ئەنجومەن پارێزگایل لە ماوەی ئی ساڵە، وەو جویرەگ مەزەنە کریاگە، چوینکە ماوەی فرەیگ لە ئەنجامنەیانی رەد بوی.
خۆشناو وتیش: ئیدارەی پارێزگای هەولێر وە تەواوی پشتگیری لە ئەنجامدان هەڵوژاردن ئەنجومەن پارێزگایل وەگەرد هەڵوژاردن پەرلەمان کوردستان کەێد.
لە مانگ تەشرین یەکەم ٢٠٢٢، پەرلەمان هەرێم کوردستان لەبان درویژکردن تەمەنی ودویاخستن هەڵوژاردن تا یەک ساڵ دەنگ دا، وە مەرجیگ لە ساڵ ٢٠٢٣ وەگەرد هەڵوژاردن ئەنجومەن پارێزگایل ئەنجامی بەێد.
