هێزیگ چوودە ناو فەرمانگەی هاتوچوو سلێمانی و ده‌س لە فەرمانبەرەیلی وەشنێد
2020-07-26T09:06:36+00:00
شەفەق نیوز/ هێزیگ لە لیوای یەکەم پارێزگاریکردن له سلێمانی، ئمڕوو یەکشەممە، چیە ناو فەرماندەیی هاتوچوو لە پارێزگاگە، و دەسوەشان لە فەرمانبەرەیل و دووانیان وەرو شوون نادیاریگ برد. کاروان محمد قسەکەر وەناو هاتوچووی سلێمانی ئەرا ئاژانس شەفەق نیوز وت: کادرەیل هاتوچوو لە شەوەکی ئمڕوو بڕیاردان وە وسانن دەوام، لە ناڕەزایەتییگ لەبان وەرنەگردن مووچەیلیان وەرجە جەژن قوربان. ودیاری کرد ک دویای کەمیگ لە بڕیارەگە، هێزیگ لە لیوای یەکەم لە سلێمانی هاتەناو فرمانگەی هاتوچووەگە و پەلامار فەرمانبەرەیل دا، و دەسوەشان لەلیان، وتیش: هێزه‌یل لیواگە وەزوور ژمارەی فرەیگ لە فەرمانبەرەیل برد وەرەو شوون نادیاریگ. ئاماژەیە ک لیوای یەکەم پارێزگاریکردن له سلێمانی سه‌روە فەرماندەیی کۆسرەت رەسولە سەرۆک ئەنجومەن سیاسی باڵای یەکێتی نیشتمان کوردستان.
