هەرێم کوردستان..٨ مردن و ٤٢٣ تۊشهاتن وە کۆرۆنا

شەفەق نيوز/ وەزارەت تەندروسی لە حکومەت هەرێم کوردستان، ئمڕوو دووشەممە، راگەیان مردن ٨ بیمار وە ڤایرۆس کۆرۆنا لە ماوەی ٢٤ ساعەت گوزەیشتە.     

وەزارەتەگە لە بەیاننامەیگ رەسیە ئاژانس شەفەق نیوز وت: تاقێگەیلی وە ماوەی ٢٤ سەعات گوزەیشتە ٥٤٢٠ تاقیکردنەوە ئەنجام دانە، لەناویان ٤٢٣ تۊشهاتن ئاشکرا کریایە.     

بەیاننامەگە وتیش: لە خود ماوەەگە ٤٧٨ بیمار لە پەتاگە خاسەو بۊینە.     

وەزارەتەگە لە بەیاننامەگەی وتیش: ٢١٨٧١ کەس لە وەخت بڵاوبۊن پەتاگە کەرەنتین کریاگە،  و ٣٥٢٢١٦٨ تاقیکردنەوە ئەنجام دریاگە،  لەناویان تۊشهاتن ٣٧٥٠٩٩ کەس ئاشکرا بۊیە، ٣٦٢٥٠١ لەلیان خاسەو بۊینە،  و ٦٨٦٥ مردنە.