هەرێم کوردستان کەفێدە وەر شەپۆلیگ لە یەخ و واران
شەفەق نیوز/ وەڕێۆبەرایەتی کەشوهەوا و رەوانگەی زەویلەزە سەروە وەزارت گواستەوە لە هەرێم کوردستان، ئمڕوو سێشەممە، پێشبینی کرد لە ماوەی سێ رووژ ئایندە ناوچە و شارەیل هەرێم کوردستان بکەفنە وەر شەپۆلیگ لە واران و یەخ.
وەگورەی رابۆرت وەڕێۆبەرایەتیەگە، شەپۆل وارانەگە لە شەو چوارشەممە لەبان پەنجشەممە وە دوو قۆناغ دەس وەپیکەێد، ئیوارەی چوارشەممە لەناوچە کوێەکان دەسکەێدە واران، وەگەرد نمە وارانیگ لە ناوەندەیل شارەکان.
راپۆرتەگە ئاماژە کرد ک لە رووژ پەنجشەممە، ئاسمانەگە بوودە نیمچە ئەوریگ وەگەرد بەرزەوبوین پلەی گەرمی ئەرا ٤ - ٦ پلەی سلیزی وەگەرد زیایبوین خێرایی هەواگە لە چەن ناوچەیگ ک شایەت برەسێدە ٤٠ کێلومەتر/ ساعەت.
راپۆرتەگە هەمیشە ئاماژە کرد ک دوویەم قۆناغ لە کەشوهەواگە ک پێشبینی کریاگە لە رووژ جمعە دەس وەپیکەێد، ک وارانەگە لە گشت ناوچەگە زیایەو بوود، و پێشبینە ک ئاست وارینەگە بڕەسێدە رفتی، وەگەرد داوەزین گەرمیەگە ئەرا ناونی ٦ تا ٨ پلە، ئەراوە ئەوەسا یەخ لەبان لووتکەی کوێە بەرزەیل و ناوچە سنووریەیل داوەزێد، و پێشبینی کرد ئی شەپۆلە تا ئیوارەی جمعە وەردەوام بوود.
