هه‌ولێر زياتر له 150 شوون له‌وه‌ر سه‌رپيچى له رينمايه‌يل ته‌ندروستى داخست
شه‌فه‌ق نيوز/ غورفه‌ى ئۆپراسيۆن هه‌ولێر ئه‌را روێ وه‌ڕوێ بونه‌وه‌ى ڤايرۆس كۆرۆنا، ئاشكراى داخستن ده‌يان شوون و دوكان كرد له‌وه‌ر سه‌رپيچييان له رينمايه‌يل ته‌ندروستى و خوه‌يپاريزى تايبه‌ت وه روێ وه‌ڕوێ بوينه‌وه‌ى ڤايرۆسه‌گه له مه‌رزه‌يل پاريزگاى هه‌ولێر.
غورفه‌ى ئۆپراسيۆن له به‌ياننامه‌يگ ئه‌را ئاژانس شه‌فه‌ق نيوز، وت: ليژنه‌يل چه‌وديرى و ته‌ندروستى دوياى وشكانن و چه‌وديرى و له‌وه‌ر پابه‌ند نه‌وين وه رينمايه‌يل ته‌ندروستى و رێ و شوونه‌يل خوه‌يپاريزى له ڤايرۆس كۆرۆنا، 151 شوون و دوكان له مه‌رزه‌يل پاريزگاى هه‌ولێر داخستگه.
جى باسه، به‌ياننامه‌گه داوايش له خاوه‌ن دوكانه‌يل و بازاڕه‌يل كرد ك رێ وه‌پيان درياگه واز بكه‌ن ئه‌را خزمه‌ت هاووڵاتيه‌يل، پابه‌ند بوون وه رينمايه‌يل ته‌ندروستى و ماسك و ده‌سكيش بارنه كار وه‌گووره‌ى رێ وشوونه‌يل خوه‌يپاريزى له ڤايرۆس كۆرۆنا له‌وه‌ر خاتر سه‌ڵامه‌تى گشتى.
