هاتێ نمە واران کەمیگ لەناوچە جیاجيايل هەرێم کوردستان بوارێد
2023-11-04T09:25:27+00:00
شەفەق نیوز/ دەسەی کەشناسی و زەوویلەرزەناسی هەرێم کوردستان، ئمڕوو شەممە، کەشوهەوای هەرێم کوردستان دیاریکرد.
دەسەگە لە بەیانامەیگ رەسیە ئاژانس شەفەق نیوز راگەیان، ئاسمان هەرێم ساماڵ بوود وەگەرد بڕیگ لەکە ئەور، لەناوچەیل خوەرهەڵات و باکوور خوەرهەڵات هەرێم ئاسمان نیمەئەور بوود وەگەردیا هاتێ نمە واران کەمیگ بوارێد لە بڕیگ شوین و وەخت.
ئاشکەرایکرد، " ئاسمان ساماڵ بوود وەگەرد دروسبوین بڕیگ لەکەئەور و پلەی گەرمی بەرزەوبوود وە (١- ٢) پلەی سیلیزی وە بەراورد وە توومارەیل ئمڕوو".
بەرزترین پلەی گەرمی مەزەنەکریاگ وە پلەی سیلیزی :
هەولێر : 25
سلێمانی : 23
دهۆک : 23
کەرکوک : 29
هەڵەبجە : 24
زاخۆ : 24
گەرمیان : 29.
