ژنیگ وەڕییەو بەێد.. پولیس دهۆک باندیگ گرێد زیاتر لە ٥٠٠ هەزار دۆلار ساختە وەپیان بویە
2023-06-18T12:14:42+00:00
شەفەق نیوز/ وەڕیەوبەرایەتی پولیس پارێزگای دهۆک، ئمڕوو یەکشەممە، چەکیان باندیگ ئەرا ساختەکاری دراو لە سێ کەس راگەیان، و پویل فرەیگ لە دۆلار ساختە وەپیان بوی.
عەقید هێمن سلێمان وەرپرس راگەیانن پولیس دهۆک لە کۆنگرەیگ رووژنامەوانی وت: سێ توومەتبارەگە دریانە دەس دادگای لێکۆڵینەوە لە دهۆک.
دیاری کرد ک لە سەرەتا پولیس یەکەم توومەتبار دەسگیر کرد ک ٢٩ هەزار دۆلار ساختە وەپی بوی، ک ئەویش دوو توومەتبارتر دادە دەس، ک وەگەردی بوینە، و ئەوانیش دەسگیر کریان.
عەقید سلێمان وتیش: گشت پویلە ساختەگە ک وەپیان بویە رەسیە ٥٧٠ هەزار دۆلار ئەمریکی، وتیش: وە گەورەی مادەی ٤٥٦ لە یاسای سزادان عراقی دەسگیر کریان.
وتیش: ژنیگ لەناو توومەتبارەیل بوی، ک ئەو کار ساختەکاری پویلەگە کەێد، وتیش؛ یەکیەگ لە توومەتبارەیل تەمەنی ٣٧ ساڵە، و ئەوەکە ٣٠ ساڵە، و سێیەمەگە ٢٣ ساڵە، و گشتیان خەڵک هەرێم کوردستانن.
