ژنەیلیگ لە سلێمانی داد کەن: هەر دوو رووژ یەک ژن لە کوردستان کوشیەێد
شەفەق نیوز/ بڕیگ لە ژن جالاکوان و پارێزەرەیل لە ماف مرۆڤ، ئمڕوو یەکشەممە، لە وەردەم دادگای سلێمانی وسیان تا سکاڵایگ لە زیایبوین سیمای ژن کوشتن لە شارەگە تۆمار بکەن.
کەژاڵ عەبدولقادر ئەندام لە پڕۆژەی نا بۆ کوشتنی ژنان چوونکە ژیانن، لە کۆنگرەیگ رۆژنامەوانی پەیامنێر ئاژانس شەفەق نیوز ئامادەی بوی وت: گرووپ نا بۆ کوشتنی ژنان و بەشیگ لە ژنە چالاکوانەیل لە ماف مرۆڤ و ژنەیلیگ پارێزەرە، سکاڵایگ لە دادگای سلێمانی تۆمار کردن لەوەر هەواڵە نەکردن تاوانبارەیل کوشتن ژنەیل ئەرا زیندان لەوەر جووراجور هووکارەیل، و لاوازی جیوەجیکردن ئەو یاسا ک مقەیەتی ژنەیل کورد و رازی وە کوشتنیان نیێەوود وە سنگ رسوومەیلیگ عورفی و هووزانە.
عەبدولقادر وتیش؛ ئمڕوو ئیمە وسیەیمنە وەردەم دادگا تا دەنگ خوەمان ئەرا پەیوەندیدارەیل بڕەسنیمن ک زیایبوین کوشتن ژنەیل بویەسە سیمایگ ک کۆمەڵگا لەناو دەێد و خیزان و پەیوەندیەیل مرۆیی چەکنێد.
ژینۆ رەشید یەکیگە لە ژنە چالاکوانەیل ک لە ناڕەزایەتیەگە بەشدارە ئەرا ئاژانس شەفەق نیوز ئویشێد: ئەو ئامارەیلە ک لەلایەن دامەزراوە حکومەتیەکان لە هەرێم کوردستان لە کوشتن ژنەیل ئاشکرا کریانە، نشان دەن ک لەماوەی ٤ مانگ گوزەیشتە ٤٠ ژن کەفتیەسە وەر کوشتن یا سزانن یا خوەیکوشتن لەوەر جووراجور هووکارەیل، و وتیش؛ ئی ئامارە وورد نییە، ک ئیمە مەزەنە کەیمن کوشتنەگە زیاترە، و هەر دوو رووژ یەک ژن لە کوردستان کوشیەێد.
