کۆنگرەیگ لە هەولێر باس زەرەدەیل ئاڵشتبوین کەشوهەوا لەبان کوردستان و عراق کەێد.. وینە
شەفەق نیوز/ لە شار هەولێر پایتەخت هەرێم کوردستان، ئمڕوو سێشەممە، کۆنگرەیگ لەباوەت ئاڵشتبوین کەشوهەوا وەڕیەو چگ.
پەیامنێر ئاژانس شەفەق نیوز وت: لە کۆنگرەگە فلیم کوڵیگ لەباوەت زەرەدەیل ئاڵشتبوین کەشوهەوا نمایش کریا، و چەن دانیشتنیگ گفتوگۆ وەلایەن مامووستایل زانکۆ لەباوەت ئاڵشتبوین کەشوهەوا لە هەرێم کوردستان و عراق کریا.
پەیامنێر ئاژانسمان وتیش: کونگرەگە بەشداریکردن بڕیگ لە کەسەیاتەیل زانستی وەخوەی دی ک گرنگی وە ژینگە دەن، و باس لە بەدی ئاڵشتبوین کەشوهەوا لەبان هەرێم کوردستان و عراق وەگشتی کردن.
هەرلیوا، هیوا عومەر پسپۆڕ باوەت ژینگە ئەرا ئاژانس شەفەق نیوز وت: ئی کۆنگرە ئەوەسا باس زەرەدەیل ئاڵشتبوین کەشوهەوا کەێد، و باس تەقەلای داناین چارەسەری ئەرا ئی ئاڵشتبوینە لەناوی کریەێد، چوینکە کاریگەری بەدیگ کەفێدە شوین ئاڵشتبوین کەشوهەوا لەبان هەرێم کوردستان.
وتیش: گرنگی ئی کۆنگرە ئەوەسه ک کەسەیل ئەکادیمیایی گردەو کەێد، وەگەرد بڵاوکردن هوشیاری لەلای کۆمەڵگا وەڕی مکیسکردن بڕیگ لە خوەنەوارەیل زانکۆ ئەرا ئامادەبوین لە کۆنگرەگە.
