نێچیرڤان بارزانی و کونسوڵ فەرەنسی نوو باس لە پەیوەندییەیل ناوەین هەولێر و بەغداد کەن
شەفەق نیوز - هەولێر
نێچیرڤان بارزانی، سەرۆک هەرێم کوردستان، ئمڕوو یەکشەممە، وەرد کونسوڵ گشتی نوو فەرەنسا لە هەرێم کوردستان، ئیمانوێل مینیۆ، باس لە پەیوەندییەیل دوولایەنە و پیشهاتەیل لە عراق و ناوچەگە کرد.
بارزانی، لە پیشوازیکردنی و وەپەی بەیاننامەیگ کە رەسیە ئاژانس شەفەق نیوز، پیرووزبایی لە کونسوڵ فەرەنسی کرد وە بوونەی وەرگردن ئەرکەیل نووی، و ئومید سەرکەفتن ئەڕای خوازێد.
بارزانی دووپات کرد لە ئامادەیی دامەزراوەیل هەرێم کوردستان ئەرا پیشکەشکردن پشتگیری و سەرخستن ئەرکەیلی، و رێزگردن خوەی نشان دا ئەرا پەیوەندییەیل دووسانە لە ناوەین کوردستان و فەرەنسا.
لە لای خوەیەو، کونسوڵ فەرەنسی نوو خوەشحاڵی خوەی نشان دا وە دەسوەپیکردن ئەرکەیلی لە هەرێم کوردستان، وە دووپاتکردن لەبان پابەندبۊن وڵاتەگەی وە قایمکردن پەیوەندییەیل میژوویی وەرد هەرێم کوردستان و فراوانکردن بوارەیل هاوکاری هاوبەش.
بەیاننامەگە وتیش، کە هەردگ لایەن باس لە پەیوەندییەیل ناوەین هەولێر و بەغداد کردن، لە شان رەوشەیل گشتی لە عراق و ناوچەگە.
