نێچیرڤان بارزانی وەرد خانمە وەزیر گەشەپیدان ئەڵمانی باس هازدارکردن هەماهەنگی ئابووری و وەردەوامبۊن پاڵپشتی ئەرا کوردستان کەێد
شەفەق نیوز - هەولێر
نێچیرڤان بارزانی، سەرۆک هەرێم کوردستان، ئمڕوو سێشەممە، وەرد خانمە وەزیر هەماهەنگی ئابووری و گەشەپیدان فیدراڵی ئەڵمانی، ریم ئەلئەبالی رادۆڤان، باس هازدارکردن پەیوەندییەیل ئەڵمانیا وەرد عراق و هەرێم کوردستان، و فراوانکردن هەماهەنگی هاوبەش لە بوارەیل گەشەپیدان و ئابووری و بەرهەمهاوردن کرد.
یەیش لە مەوقەی پیشوازیکردنی لە وەزیرەگە و شاندە یاوەری هات، کە شمارەیگ لە ئەندامەیل پەرلەمان ئەڵمانی و وەرپرسەیل لە وەزارەتەگە و نۊنەرەیل لە باڵیۆزخانەی ئەڵمانی لە بەغداد لەخوەی گرد، وەپەی بەیاننامەیگ کە لە سەرۆکایەتی هەرێم کوردستان دەرچگە و رەسیە ئاژانس شەفەق نیوز.
سەرۆک نێچیرڤان بارزانی لە پیزانین هەرێم کوردستان ئەرا نشان دا ئەرا ئەو پاڵپشتی وەردەوامە کە ئەڵمانیا پیشکەشی کەێد لە بوارە جیاوازەیل، وە دووپاتکردن ئارەزوو هەرێم کوردستان لە فراوانکردن ئاسوویەیل هاوبەشی و هەماهەنگی وەرد بەرلین.
لە لای خوەیەو، وەزیر رادۆڤان باس خوەشاڵیی وە سەردان هەرێم کوردستان کرد، وە دووپاتکردن پابەندبۊن وڵاتەگەی وە وەردەوامبۊن لە پاڵپشتییکردن و هەماهەنگی وەرد عراق و هەرێم کوردستان لە بوارەیل ئابووری و گەشەپیدان و هازدارکردن ئارامی.
رەوش پێکهاتەی ئێزیدی، و دویاترین وەرەونواچگنەیل لە ناوچەگە، لە شان پرسەیل ترەک خاوەن بایەخ هاوبەش، تەوەریگ ترەک لەناو دیدارەگە بوین، کە کونسوڵ گشتی ئەڵمانی لە هەرێم کوردستان ئامادەی بۊ.