نێچیرڤان بارزانی وەگەرد باڵیۆز رووسی باس پەیوەندییەیل ناوەین بەغداد و هەولێر و پیشهاتەیل ناوچەگە کەێد
شەفەق نیوز - هەولێر
نێچیرڤان بارزانی، سەرۆک هەرێم کوردستان، ئمڕوو چوارشەممە، پیشوازی لە باڵیۆز رووسی لە عراق ئەلبیرۆس کوتراشیڤ کرد، وە بونەی کووتاییهاتن ئەرکەیلی.
لە دیداریگ لەناوەینیان، سەرۆک نێچیرڤان بارزانی سوپاس و قەدرزانی خوەی نیشان دا ئەرا تەقەلایەیل باڵیۆزەگە لە پەرەپیداین پەیوەندییەیل رووسیا وەگەرد عراق و هەرێم کوردستان، و ئومید سەرکەفتن ئەرا خواست لە ئەرک و کارەیل ئایەندەی.
لەلای خوەیەو، باڵیۆز رووسی سوپاس و پیزانین خوەی نیشان دا ئەرا ئەو پشتگیری و ئاسانکارییەیلە کە سەرۆکایەتی هەرێمەگە و لایەنە پەیوەندیدارەیل لە هەرێم کوردستان پیشکەشی کردنە ماوەی وەجیهاوردن ئەرکەیلی، دووپات کرد لەبان پەرۆشی و ئارەزوو وڵاتەگەی ئەرا قایمکردن پەیوەندییەیلی وەگەرد عراق و هەرێم کوردستان.
هەمیش دیدارەگە، کە قونسوڵ گشتی رووسی لە هەولێر و شاند هاوەڕیی ئامادەی بۊن، باس پەیوەندییەیل ناوەین هەولێر و بەغداد وەخوەی دی، وەگەرد قسەوباس لەباوەت نووترین پیشهاتەیل لە ناوچەگە وە شیوەیگ گشتی، وەپای بەیاننامەیگ کە لە سەرۆکایەتی هەرێم کوردستان.
