نێچیرڤان بارزانی: ئاڵوزیەکان سوریا وەشەوو رووژیگ چارەسەر نێکریەن
شەفەق نیوز/ نێچیرڤان بارزانی سەرۆک هەرێم کوردستان، نیمەڕو ئمڕوو یەکشەممە، پێشوازی لە دەێڤید براونشتاین جیگر شاند ئەمریکا ئەرا سوریا کرد.
لەو دیدارە ک قونسڵ گشتی ئەمریکا لە هەرێم کوردستان ئامادەی بوی، باس دویاترین نووەوەبویەکان لە سوریا وەشیوەی گشتی کریا، و دەور ئەمریکا و هاوپەیمان ناودەوڵەتی دژوە ریخریاگ داعش، و ئامادەبوین هێزە ناودەوڵەتیەکان، و رەوش باکوور و خوەرهەڵات سوریا، و گرنگی ئارامی، و گفتوگۆ لەناونی لایەنە کوردەکان و وەرپرسەیل ئەو وڵاتە.
سەرۆک نێچیرڤان بارزانی دووپات کرد ک رەوشە ئاڵۆزەکان لە سوریا وە شەوو رووژیگ چارەسەر نێکریەن، و پەسەن سەربازی چارە نییە، و بایەدە گرفت سوریا لە پەسەن سیاسی و گفتوگۆ چارەسەر بکریەێد.
دەربارەی باوەت کوردی لە سوریا، سەرۆک هەرێم دووپات کرد لە گرنگی چارەسەرکەردنی لە چوارچیوەی سوریا.
و دەربارەی ئەرکەیل ئەمریکا و هاوپەیمان ناودەوڵەتی، سەرۆک بارزانی دووپات کرد ک مەترسی داعش هیمان لە سوریا راستەقینەس، ئەراوە بایەدە پشتگیری و پاڵپشتیکردن ئەمریکا و هاوپەیمان ناودەوڵەتی ئەرا هێز و لایەنە هاوپەیمانەیل لە سوریا ئەرا نواگردن تیرۆر وەردەوام بوود.
