نێچیروان بارزانی وەگەرد وەزیر دەیشت تورکیا باس دووارە هەناردەکردن نەفت کوردستان کەێد
2024-02-16T15:35:03+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو جمعە، وەگەرد هاکان فیدان وەزیر دەیشت تورکیا باس پەیوەندیەیل دووانی لە پەراویز کۆنگرەی ئاسایش میونشن کرد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: هەردوگلا باس باوەتەیل قایمکردن پەیوەندیەیل تورکیا و عراق و هەرێم کوردستان کردن، و نووڕین رای خوەیان وتن لەباوەت دویاترین پیشهاتەیل ناوچەگە وە گشتی.
لە دیدارەگە باس گرنگی مقیەتیکردن ئاسایش و سەقامگیری و هاوکاری تورکیا وەرد عراق و هەرێم کوردستان کریا ئەرا نواگیری هەڕەشەیل ئاسایش و سەقامگیری هەردوگ وڵات، هەمیش باس تەقەلا و گامەیل ئەرا دووارە هەناردەکردن نەفت هەرێم کوردستان کریا.
هەر لە دیدارەگە باس لە نواگیری تیرۆر و کار هاوبەشی وڵاتەیل ناوچەگە ئەرا مقیەتیکردن ئاشتی و سەقامگیری و باوەتەیلیگ ترەک کردن کە لەلای هەردوگ لایەنەگە گرنگە.
