نێچیروان بارزانی وەگەرد قونسوڵ نوو ئەمریکا باس رەوشەیل کوردستان و ئەو ناوچەیل عراق کەێد
2024-08-14T12:40:20+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، پیرووزبایی لە ستیڤ بیتنز قونسوڵ گشتی نوو ئەمریکا لە هەرێم کوردستان کرد، ئەرا دەسکردن وە ئەرکیلی، و ئومید سەرکەفتن ئەرای خوازی، و باس ئارەزوو هەرێم کوردستان کرد لە قایمکردن هاوکاری وەرد ئەمریکا.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لەو دیدارە کە مارک سترۆ باڵیۆز وەرین ئەمریکا ئامادەی بوی، سەرۆک نێچیروان بارزانی سوپاس لە قونسوڵ وەرین ئەمریکا کرد، و ئومید سەرکەفتن ئەرای خوازی، و ئەوەیش سوپاس لە هەرێم کوردستان کرد ئەرا سەرکەفتتی لە ئەرکەگەی.
لە دیدارەگە قونسوڵ گشتی ئەمریکا دووپات لە پاڵپشتیکردن وەردەوام ئەمریکا و هاوبەشەیلی وەرد عراق و هەرێم کوردستان کرد، و هەردوگ لایەن دووپات لەبان گرنگی جیوەجیکردن هەڵوژاردن پەرلەمان کوردستان کردن، و ئومید خوازین دەنگانیگ سەرکەفتی بوود.
هەردوگ لایەن، هەمیش باس رەوشەیل عراق و هەرێم کوردستان کردن، وەگەرد دویاترین نووەوبویەل لە ناوچەگە.
