نێچیروان بارزانی وەگەرد باڵیۆز کەنەدا باس دەرفەتەیل کار و بەرهەمهاوردن کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە، وەگەرد گریگۆری گالیگان باڵیۆز نوو کەنەدا لە عراق باس بڕیگ باوەت کردن، لەلیان دەرفەتەیل کار و بەرهەمهاوردن لە هەرێم کوردستان و ناوچەیل عراق وەگشتی.
ئەوەیش لە چەوپیکەفتن سەرۆک بارزانی ئمڕوو هات وەگەرد باڵیۆز نوو کەنەدا، وەگورەی بەیاننامەی سەرۆکایەتی.
وەگەرد پیشوازیکردن، سەرۆک نێچیروان بارزانی ئومید سەرکەفتن ئەرا باڵیۆز نوو کەنەدا لە عراق خوازێد، و باس ئارەزوو و خوازین و پشتگیریکردن هەرێم کوردستان ئەرا سەرکەفتن ئەرکەیلی کرد. لەناو دیدارەگە، باس لە قایمکردن پەیوەندیەیل کەنەدا وەگەرد عراق و هه‌رێم کوردستان، کار سیاسی لە عراق و تەقەلایل سەرکەفتن لەبان ئەو سەخیەیلە ک کەفنە رۊیی، رەوش ئەمنی لە عراق و نواگردن هەڕەشەیل تیرۆرەیل داعش کریا.
هەردوگ لایەنەگە دووپات لە ئارەزوو هەردوگلا لە بتەوکردن پەیوەندیەیل و فراوانکردن چینەیل هاوکاری هاوبەش کردن، و رووشنایی خستنە بان دەرفەتەیل کار و بەرهەمهاوردن کەنەدا لە عراق و هه‌رێم کوردستان.
