نیچیروان بارزانی: هەرێم کوردستان ئامادەی هاوکاریمن وەگەرد دەزگای دەسپاکی فیدڕاڵی ئەرا پاراستن یاسا
شەفەق نیوز ـ هەولێر
سەرۆک هەرێم کوردستان نیچیروان بارزانی، نینەڕوو ئمڕوو چوارشەممە، پیشوازی لە سەرۆک دەسەی دەسپاکی فیدڕاڵی محەمەد عەلی مفتەن و شاندەگەی گەردی کرد.
سەرۆکایەتی هەرێم لە بەیاننامەیگ رەسیە ئاژانس شەفەق نیوز گەیان، لە دیدارەگە سەرۆک دەسەی دەسپاکی لە هەرێم کوردستان ئەحمەد ئەنوەر ئامادەی بوی، گفتوگوکریا لەبان تونکردن هاوکاری و هاوئاهەنگی لەناوەین دەسەی دەسپاکی فیدڕاڵی و لایەنە پەیوەندیدارەیل لە هەرێمی کوردستان.
هەردوو لایەن، وەپای راگەیانەگە، دووپات لە گرنگی سەروەخوەیی دامەزراوەیل دەسپاکی و رۆڵیان لە قایمکردن دەسەڵات یاسا کرد.
سەرۆک هەرێم کوردستان دووپات کرد کە هەرێم کوردستان وە تەواوی ئامادەی پێشکەشکردن گشت هاوکاری و هاوئاهەنگی وەرد دەسەی دەسپاکی فیدڕاڵی و گشت لایەنە دادوەریەیلە ئەرا پاراستن یاسا و سەربەخوەیی دامەزراوەیل و دەسەڵات دادوەری.
لە وەرانوەر، سەرۆک دەسە دەسپاکی فیدڕاڵی دەسخوەشی و وەپیزانستن خوەی ئەرا لایەنە پەیوەندیدارەیل لە هەرێم کوردستان نیشاندا، لەبان هاوکاری وەردەوام و بەرهەمداریان وەرد دەزگاگە و لایەنە پەیوەندیدارەیل فیدڕاڵی.
