نێچیروان بارزانی: کلکردن مووچەیل هەرێم کوردستان وەردەوامە

شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، بویین گیچەڵ لە سپۆنسەرکردن مووچەی فەرمانبەرەیل و کارمەنەیل کەرت گشتی لە هەرێم کوردستان وەلایەن حکومەت فیدڕاڵی وەدویر زانست.

سەرۆک نێچیروان بارزانی لە قسەیلی ئەرا رووژنامەنویسەیل لە پەراویز سەردانکردن ئیدارەی سەروەخوەیی زاخۆ وت: حکومەت هەرێم کوردستان وەردەوامە لە تەقەلایل چارەکردن ناکۆکیەیل و باوەتەیل گیرهاتگ وەرد حکومەت فیدراڵی، وتیش: سیاسەت ئیمە ئاشکراس کە ئارەزوو چارەکردن گشت ناکۆکیەیل لە چوارچیوەی دەستوور عراق دیریمن.

لەباوەت سپۆنسەرکردن مووچەی فەرمانبەرەیل هەرێم کوردستان وەلایەن بەغداد، نێچیروان بارزانی وت: کلکردن مووچەیل وەردەوامە و باوەڕ نیەکەم گیچەڵیگ لەی باوەتە هەس.