نێچیروان بارزانی لەباوەت ناوناین مەشهەدانی جویر سەرۆک پەرلەمان: دڵنیایمن کە هەڵوژاردنی گام خاسیگە
شەفەق نیوز/ نێچیروان بارزانی سەرۆک هەرێم کوردستان، ئمڕوو جمعە، وت: هەڵوژاردن محمود مەشهەدانی جویر سەرۆک ئەنجومەن نوێنەرەیل گامیگ ئەرێنییە.
بارزانی لە بەیاننامەیگ رەسیە ئاژانس شەفەق نیوز وت: گەرمترین پیرووزبایی وە برای ئەزیزم محمود مەشهەدانی پیشکەش کەم، وە بوونەی هەڵوژاردنی ئەرا سەرۆکایەتی ئەنجومەن نوێنەرەیل کەم، و ئومید گشت سەرکەفتن و پیشکەفتنیگ ئەرای خوازم.
سەرۆک بارزانی وتیش: ئیمە دڵنیایمن کە هەڵوژاردنی گامیگ ئەرێنییە وەرەو قۆناغ نوویگ ناوەین هیزەیل سیاسی لە وەڕیەوبردن کاروبار وڵاتەگە وەلایەن سیاسی و ئیداری و یاسادانان.
باس ئومید خوەی کرد کە ئی هەڵوژاردنە پشتگردن نیشتمانی قایمەو بکەێد، و گاڵ گشتی بەێد گشت رەنجیگ بتوەنێد ئەرا خزمەت وڵات وەگشت پیگاتەیای پیشکەش بکەن، و چەوەڕی کەیمن ئەنجومەن نوێنەرەیل لە رۆڵ یاسادانان خوەی وە گورجییگ زیاتر وەردەوام بوود، ئەرا قایمکردن ری یاسادانان و بڕیاردان ئەو یاسایلە کە خزمەت چەوەڕی و نووڕینەیل گەل کەن، و پاڵپشتی لە ئارامی و بانان وڵات کەن.
ئیوارەی دویەکە پەنجشەممە، ئەنجومەن نوێنەرەیل محمود مەشهەدانی جویر سەرۆکی هەڵوژێد، دویای نزیکەی ساڵیگ وە تەواوی لە بەسیان سیاسی، و شکستهاوردن ئەرا زیاتر سێ گلە لە یەکلاییکردن ئی باوەتە.
