نێچیروان بارزانی پیرووزبایی لە کریکارەیل کوردستان و عراق کەێد
بارزانی لە بەیاننامەیگ رەسیە ئاژانس شەفەق نیوز وت: گەرمترین پیرووزبایی لە کریکارەیل کوردستان و عراق و جەهان و سەندیکا و ریخریاگەیلیان کەیمن، وە بوونەی یەک ئایار، رووژ جەهانی کریکارەیل، وتیش؛ وە بەرزی نرخدار بەشداریکردن و قوربانیەیل کریکارەیل کوردستان لە شووڕش کەیمن، و رەنج گەورەیان ئەرا بیناکردن و ئاوەدانکردنەوەی کوردستان، ئومید سەرکەفتن ئەرایان خوازم.
وتیش؛ وەی بوونە، وەگەرد نیشاندان پشتگیری و پاڵپشتیکردن تەواو ئەرا ماف و داوایل یاسایی کریکارەیل، دووپات لە دابینکردن کەرەستەیل بیوەیی و ژینگەی گونجیاگ و رێکخستن راسی ئەرا ساعەتەیل کار، و یەکسانی لە دەرفەتەیل کار کەیمن، و هەمیش زوور لەبان گرنگیداین زیاتر وە ژیان و گوزەرانی کریکارەیل و خانەوادەیان کەیمن، ک سەندیکا و ریخریاگەیل کریکارەیل وە گورجی زیاتر کار بکەن ئەرا مسۆگەرکردن مافیان.
بارزانی لە کۆتایی قسەیلی وت: سڵاو و ڕێز ئەرا خانەوادە و کەسوکارەیل ئەو کریکارەیلە ک لە مەوقەی کارکردن گیانیان لەدەس دان، و بایەتە لایەنەیل پەیوەندیدار چەودیاری ئەو خانەوادەیلە لە گشت شیوەیگ بکەن و دەسمیەتی وەپیان پیشکەش بکەن، پیرووزبایی ساڵیاد یەک ئایار لە گشتی کەم، و ئومید وەسەربردن هوچانیگ خوەش و ئارام ئەرایان خوازم.
